Yosi Breaker

Noong anim na taon ako, may poster ng yosi sa bandang ulunan ng higaan ko. Hindi ko lang maalaala kung Mark ba ito o 'yong Camel. Ang model sa poster ay si Snookey Serna kung hindi ako nagkakamali. Madalas akong nagigising, pakiramdam ko kase parang bumababa si Snooky sa poster para sakalin ako. Weird, sabi ko, "La, baka pwede nating palitan 'yong poster." Pinalitan naman ni Lola, si Mama Mary, kaso may kasama pa ring yosi sa baba. Mas lalong weird.